महाराष्ट्र कुसुम सोलर पंप योजना

नमस्कार शेतकरी बांधवांनो, कुसुम सोलर पंप योजनेअंतर्गत १६ जिल्ह्यात नवीन कोटा उपलब्ध झालेला आहे. आपण कुसुम सोलर पंपसाठी ऑनलाईन अर्ज सादर करू शकता. कुसुम सोलर पंपाचे कोणत्या जिल्ह्यात किती कोटा उपलब्ध आहेत, त्याचबरोबर कोणत्या प्रवर्गातील शेतकऱ्यांना किती अनुदान देण्यात येते इ. गोष्टी या लेखात पाहुयात.

महाराष्ट्र कुसुम सोलर पंप योजना ऑनलाईन अर्ज कसा व कोठे करावा व कुसुम सोलर पंप योजनासाठी लागणारी कागदपत्रे कोणती, तसेच कोणत्या जमीन धारकास म्हणजेच किती जमीन धारकास किती एचपीचा पंप दिला जातो. या बद्दल संपूर्ण माहिती या लेखात देण्यात आलेली आहे. तर हा लेख शेवटपर्यंत नक्की वाचा संपूर्ण माहिती आपल्याला या एकाच लेखांमध्ये मिळणार आहेत.

या अभियांनातर्गत पुढील ५ वर्षात ५ लक्ष पारेषण विरहीत सौर कृषीपंप आस्थापित करण्यास व त्यापैकी पहिल्या वर्षासाठी मंजूर १ लक्ष पारेषण विरहीत सौर कृषीपंप आस्थापित करण्यास मंजूरी.

सदर अभियान घटक महाराष्ट्र ऊर्जा विकास अभिकरण (महाऊर्जा) मार्फत अर्जदारांचे ऑनलाईन पद्धतीने अर्ज मागवून प्रथम येणाऱ्यास प्राधान्य या तत्वावर अनुज्ञेयता तपासून राबविण्यात येणार आहे.

महाराष्ट्र कुसुम सोलर पंप योजनेअंतर्गत राज्यातील शेतकऱ्यांना ३ एच.पी. ते ७.५ एच.पी. पर्यंत सोलर पंप दिले जातात. खुल्या प्रवर्गातील शेतकऱ्यांसाठी ९०% व अनुसूचित जाती व जमाती प्रवर्गातील शेतकऱ्यांसाठी ९५% अनुदानावर सौर कृषीपंप उपलब्ध होतील. योजनेचा लाभ घेण्यासाठी महाऊर्जाच्या संकेतस्थळावर ऑनलाईन पद्धतीने अर्ज करावा. प्रथम येणाऱ्यास प्राधान्य या तत्त्वावर सौर कृषीपंपाचा लाभ देण्यात येईल, असेही प्रसिद्धीपत्रकान्वये कळविण्यात आले आहे.

योजनेचे नाव	महाराष्ट्र कुसुम सोलर पंप योजना
कोणी सुरु केली	महाराष्ट्र शासन व केंद्र शासन
लाभार्थी	राज्यातील शेतकरी
उद्दिष्ट	शेतकऱ्यांना सोलर पंप पुरवणे
अर्ज प्रक्रिया	ऑनलाईन

महाराष्ट्र कुसुम सोलर पंपाचे दर

रु. १.५६ लाख (३ HP),
रु. २.२२५ लाख (५ HP),
रु. ३.४३५ लाख (७.५ HP).

हे पण वाचा, बियाणे अनुदानासाठी अर्ज सुरु

येथे क्लिक करा

महाराष्ट्र कुसुम सोलर पंपाचे अनुदान

सर्वसाधारण प्रवर्ग लाभार्थ्याकडून सौर कृषीपंपाच्या किंमतीच्या 10 %
अनुसूचीत जाती व जमातीच्या लाभार्थ्याकडून कृषीपंपाच्या किंमतीच्या 5 %
या योजनेंतर्गत केंद्र शासनाचे 30% वित्तीय सहाय्य व राज्य शासनाचे 60/65% अनुदान व लाभार्थ्यांचे 10/5% हिस्सा लागणार.

महाराष्ट्र कुसुम सोलर पंपासाठी लागणारे कागदपत्रे

७/१२ उतारा (विहिर, कुपनलिका शेतात असल्यास ७/१२ उताऱ्यावर नोंद आवश्यक आहे)
एकापेक्षा जास्त नावे असल्यास इतर भोगवटदाराचे ना-हरकत प्रमाणपत्र रू. २,००/- च्या मुद्रांक कागदावर सादर करावे लागेल.
आधारकार्ड झेरॉक्स प्रत
रद्द केलेली धनादेश प्रत / बँक पासबुक प्रत.
पासपोर्ट आकाराचा फोटो.
शेत जमीन / विहिर / पाण्याचा पंप सामाईक असल्यास इतर भागीदाराचे ना-हरकत प्रमाणपत्र.